Balligi nga inyalat ti programa nga Usapang Werpa babaen kadagiti mangimaton a da Mr. Jansen Chano Ken Ms. Debbie Melchor ti Best Production Values iti naangay a 4th Nutriskwela Community Radio Awards a naangay idiay Iloilo.

Daytoy a programa ket mangngegan iti Radyo Karruba 91.1Fm babaen iti panangsuportar ti lokal a gobierno ti ili a Burgos, Ilocos Norte a pangidauluan ni Mayor Rodolfo Garcia ken Vice Mayor Cresente Garcia kastapay iti panangidaulo met ni Station Manager Orlino Ibus Jr. ken ti Program Manager a ni Mr. Gerson Ravelo.

Inawat mismo ti Station Manager dagiti pammadayaw ket makita ti ragsak ken rag-o iti pusona gapu iti balligi nga impaay ti Namarsua.

Napalaosmet ti ragsak ni Mr. Jansen Chano ken Ms. Debbie Melchor ta saanda daytoy nga ekspektaren ket saanda a mailibak ti panagtedted dagiti lua da iti daytoy a balligi a naaramidanda.

Nakunada a balligi tayo amin daytoy ken mas pay a papintasenda ti programada tapno ad-aduntopay ti balligi nga akupen daytoy a programa.

Nagyaman daytoy iti Station Manager ken iti Program Manager ta inikkanda ida iti oras tapno mairakurakpay dagiti pagsayaatan a makaibati iti adal ken sursuro iti kaaduan.